Mungesa e kamarierëve, pagat e tyre u rritën me 24.5%

Emigracioni ka shkaktuar mungesa të forta në tregun e punës, duke ushtruar presion për rritjen e pagave. Industria që ka vuajtur më shumë mungesën e stafit ka qenë ajo e shërbimeve. Kjo duke pasur parasysh edhe sezonin e verës dhe rritjen e ndjeshme të numrit të turistëve të huaj.

Instituti i Statistikave ka raportuar për një ecuri të mirë të aktivitetit të bareve dhe restoranteve. Sipas INSTAT-it, në tremujorin e dytë të këtij viti, Indeksi i shitjeve neto në volum shënoi rritje 3,8 % kundrejt të njëjtës periudhë të një viti më parë. Indeksi i numrit të të punësuarve shënoi rritje 1,6 %, krahasuar me tremujorin e dytë 2022 dhe Indeksi i fondit të pagave shënoi rritje 24,5 % kundrejt të njëjtës periudhë të një viti më parë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern