Zbardhet Dokumenti 2024–2026/ Sa dhe kujt do t’i rriten pagat në shtet

Qeveria ka miratuar Dokumentin e Politikave Prioritare 2024–2026, në të cilin ka parashikuar edhe rritjen e premtuar të pagave deri më 900 euro në sektorin publik.

Sipas këtij drafti, deri në fund të vitit 2024, paga mesatare në administratën buxhetore qendrore, nga 71.630 lekë që është aktualisht do të arrijë në rreth 107.257 lekë në muaj. Ndërkohë që paga minimale do të pësojë rritjen e premtuar deri në 45 mijë lekë deri në vitin 2025.

Qeveria ka parashikuar që rritjen më të lartë të pagave do ta kenë të punësuarit në ata sektorë, ku ka prirje më të mëdha për t’u larguar nga vendi, si dhe në ata sektorë me rëndësi jetike për zhvillimin e vendit dhe sigurinë kombëtare.

Në Dokumentin e Politikave Prioritare 2024–2026, pagat e mjekëve, infermierëve, mësuesve, oficerëve të policisë dhe ushtarakëve do të rriten 20– 60 për qind.

Rritja e pagave sipas profesioneve deri më 2024:

Mjek i përgjithshëm                      131,672 lekë

Mjek specialist                               174,101 lekë

Infermier                                         87,118 lekë

Ushtar profesionist                        77,000 lekë

Mësues në arsim bazë                  95,550 lekë

Mësues në arsim të mesëm         106,800 lekë

Drejtues shkolle                             168,000 lekë

Inspektor i parë në polici              97,500 lekë

Zjarrfikës                                         80,000 lekë