LIGJET E BIZNESIT
Numri i mjeteve në qarkullim në rrugët e Shqipërisë ka pësuar rritje të ndjeshme këtë vit. Sipas të dhënave të Institutit të Statistikave, se në tremujorin e dytë të këtij viti, numri gjithsej i mjeteve rrugore me status “aktiv” dhe “të çregjistruar përkohësisht” që qarkullojnë në vend rezulton 828.306 mjete. Kundrejt tremujorit të parë 2023, numri i mjeteve është rritur me 19.282 të tilla.
Të dhënat e detajuara tregojnë se në kategorinë e mjeteve rrugore sipas llojit, përqindjen më të madhe ndaj numrit gjithsej të mjeteve rrugore e zënë “Autoveturat” (80,4 %), “Automjetet për transport të përzier” (6,4 %) dhe “Motor” (5,5 %).
Në tremujorin e dytë 2023, numri më i lartë i mjeteve rrugore është regjistruar në qarkun e Tiranës, duke zënë 34,8 % të mjeteve rrugore gjithsej të regjistruara në vend, pasuar nga qarku i Durrësit me 13,4 % të mjeteve rrugore gjithsej. Qarqet me numrin më të vogël të mjeteve rrugore janë qarku i Gjirokastrës me 2,2 % dhe qarku i Kukësit me 2,3 % ndaj mjeteve rrugore gjithsej.
Marka “Mercedez Benz” është marka me qarkullim më të lartë në vend në kategorinë e mjeteve rrugore me 18,1 %, e ndjekur nga marka “Volkswagen” me 15,5 % dhe “Daimler Chrysler” 9,1 %.
