LIGJET E BIZNESIT
Euro po rekuperon ndjeshëm në tregun e këmbimit. Sipas kursit zyrtar të Bankës së Shqipërisë, monedha europiane u këmbye sot me 109 lekë, duke shënuar një rritje prej 1.45 lekë kundrejt një dite më parë. Rritje kanë shënuar edhe monedhat e tjera.
Dollari amerikan këmbehet me 100.5 lekë, me rritje 1.06 lekë kundrejt një dite më parë. Ndërkohë që janë forcuar edhe paundi britanik dhe franga zvicerane.
Agjentët e tregut valutor shpjegojnë se euro po forochet nga një gjallërim I kërkesës, kryesisht nga bizneset. Megjithatë, sipas tyre, kjo rritje ka edhe një dimension psikologjik, duke bërë që subjektet e kursit të fillojnë të krijojnë disa pritshmëri të caktuara. Rekuperimi i monedhës europiane ka shtuar disi pritshmëri për rritje të kursit, duke nxitur kërkesën dhe duke shtrënguar ofertën e monedhës europiane. Megjithatë përballë këtyre luhatjeve, stabilizimi I situatës mbetet ende larg. Kjo duke pasur parasysh se jemi ende nën efektet e sezonit turistik, me prurje të mëdha valutore nga emigrantët dhe turistët e huaj.
