Luhatjet e kursit/ Banka e Shqipërisë ndërhyn në treg, do të blejë 80 milionë euro më shumë

Banka e Shqipërisë do të rrisë sasinë e euros që do të blejë në tregun e këmbimit, në përpjekje për të stabilizuar luhatjet e forta. Institucioni mbikëqyrës bankar ka vendosur që të blejë në tregun e brendshëm valutor 300 milionë euro, nga kufiri prej 220 milionë eurosh i përcaktuar në fillim të këtij viti. Ky vendim pritet të ulë disi volumin shumë të lartë të monedhës së përbashkët europiane që qarkullon në tregun shqiptar. Megjithëse nuk ka garanci se një synim i tillë do të arrihet.

Deri më tani, Banka e Shqipërisë ka blerë në tregun e brendshëm rreth 170 milionë euro. Por kjo nuk ka dhënë efekt në frenimin e zhvlerësimit të euros.