Tirana është kryeqyteti me koston më të lartë të jetesës në rajon. Në Indeksin e Kostove të Jetesës të publikuar nga “Mercer” për vitin 2023, kryeqyteti shqiptar renditet në vendin e 153, duke u ngjitur tetë pozicione nga renditja e vitit të kaluar.
Indeksi përfshin 227 qytete në pesë kontinente dhe mat koston e jetesës të më shumë se 200 artikujve në çdo vend, duke përfshirë strehimin, transportin, ushqimin, veshjet, mallrat shtëpiake dhe argëtimin. Renditja fillon nga vendi më i shtrenjtë në vendin më pak të shtrenjtë.
Krahasuar me vendet e rajonit të cilat janë pjesë e renditjes në këtë indeks duket se Tirana është vendi me kostot më të larta të jetesës. Beogradi renditet i dyti në rajon pas Tiranës, si qytet më i lirë, i pozicionuar në vend të 175-të. Ndjek Shkupi në vend të 200-të dhe me kostot më të lira në rajon rezulton Bosnje Hercegovina. Sipas të dhënave të raportit, Sarajeva është renditur në vend të 203-të për vitin 2023. Mali i Zi dhe Kosova nuk janë pjesë e këtij Indeksi.
INDEKSI I KOSTOVE TË JETESËS, 2023 (Mercer)
