Palestrat dhe qendrat e tjera të aktivitetit fizik preferohen më shumë nga gratë sesa nga burrat në Shqipëri. Ky nuk është një konstatim vetëm perceptiv, nga pamjet e qendrave fitness apo bisedat e përditshme, por konfirmohet edhe nga të dhënat zyrtare.
Sipas Institutit të Statistikave, gjatë vitit 2021 që është edhe e dhëna e fundit zyrtare, gratë kanë kryer më shumë blerje online për veshje/pajisje sportive në krahasim me burrat. Më saktësisht, 59.1 % për gratë dhe 40.9 % për burrat.
Blerjet online të veshjeve nga gratë dëshmojnë edhe për një frekuentim më të madh të palestrave nga ana e tyre, ndërkohë që blerjet e pajisjeve sportive tregojnë për ushtrimin e tyre në shtëpi, në pamundësi për të ndjekur stërvitjen në qendrat fitness.
