Bashkitë kanë dyfishuar numrin e lejeve të ndërtimit, megjithëse për një sipërfaqe më të vogël. Sipas të dhënave nga Instituti i Statistikave, në tremujorin e dytë të këtij viti janë miratuar gjithsej 509 leje ndërtimi për ndërtesa të reja, nga 339 leje të miratuara në tremujorin e dytë të vitit të kaluar, duke shënuar një rritje prej 50.1 %.
Ndërkohë nga të dhënat rezulton se 73.6% e lejeve të dhëna janë për ndërtime për banim, 15.3% për ndërtesa të tjera (jo rezidente) dhe 11.1% për punime inxhinierike.
Por ndërsa numri i lejeve është dyfishuar, sipërfaqja e këtyre lejeve ka qen e ultë dhe paraqitet në rënie kundrejt një viti më parë. Të dhënat tregojnë se sipërfaqja e lejeve të ndërtimit miratuar për ndërtesa të reja, në tremujorin e dytë 2023, është 652.136 m2 , nga 661.945 m2 miratuar në tremujorin e dytë 2022, duke shënuar një ulje prej 1.5
Në tremujorin e dytë të këtij viti, vlera e përafërt e lejeve të ndërtimit miratuar për ndërtesa dhe punime inxhinierike është 24.4 miliardë lekë, nga 25.9 miliardë lekë miratuar në të njëjtën periudhë të një viti më parë, duke shënuar një ulje prej 5.8 %
Bashkitë që kanë rritur ndjeshëm numrin e lejeve të ndërtimit janë Tirana, Vlora dhe Fieri.
