LIGJET E BIZNESIT
Ditën e hënë, në një seancë të posaçme plenare që do të mbahet në orën 17:00, parlamenti do të miratojë raportin e paraqitur nga Këshilli i Mandateve që i hap rrugë arrestimit dhe kontrollit të banesës së Arben Ahmetaj.
Tashmë, ish zv.kryeministri ndodhet i vetëm përballë drejtësisë, pasi partia e tij e zhveshi nga mburoja politike e imunitetit. Me qëndrimin pro në Këshillin e Mandateve, duke e bashkuar me atë të demokratëve, mazhoranca i rekomandon Parlamentit që t’i hapë rrugë arrestimit dhe kontrollit të banesës së deputetit të Partisë Socialiste.
Në fillim të kësaj jave Prokuroria e Posaçme Kundër Korrupsionit, SPAK, i kërkoi Kuvendit dhënien e autorizimit për arrestimin e deputetit Arben Ahmetaj.
Ish ministri i Financave akuzohet për “Mosdeklarim apo fshehje të pasurive”, “Korrupsion pasiv” si dhe “Pastrim parash”.
Hetimet ndaj Ahmetajt nisën në vitin 2022 dhe Prokuroria e Posaçme thekson se “vazhdon hetimi në drejtim edhe të fakteve të tjera penale apo personave të tjerë të implikuar”.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Hetimet kanë të bëjnë me rolin që ka pasur Ahmetaj në tre inceneratorët e Fierit, Elbasanit dhe të Tiranës.
