Paralajmëron ndërtuesi i ChatGPT : “Inteligjenca artificiale do të marrë edhe punët tona!”

Inteligjenca artificiale ka ardhur për të ndryshuar jetën tonë dhe platformat si ChatGPT mund të rrisin produktivitetin,dhe të na ndihmojnë të përmirësohemi në punët tona.

Por, këto platforma gjithashtu mund të na marrin punët, tha Sam Altman, kreu ekzekutiv i OpenAI. “Shumë njerëz që punojnë për Intelligjencën Artificiale pretendojnë se ajo do të na bëjë vetëm mirë, dhe se nuk do të zëvendësojë asnjë prej nesh. Por, sigurisht që do të ketë humbje të shumta të vendeve të punës- tha Altman për “The Atlantic”.

Megjithatë, ka dhe një anë pozotive tha ai. Inteligjenca Artificiale gjithashtu mund të krijojë vende të reja pune që, sipas Altman, do ta çojë përpara shoqërinë.

Ethan Mollick, një profesor i sipërmarrjes dhe inovacionit në Shkollën Wharton të Universitetit të Pensilvanisë, u shpreh se operatorët telefonikë të shekullit të 19-të arritën të përshtateshin mirë me zhvillimin teknologjik. “Kur u dëbuan, ata gjetën punë të reja dhe u përshtatën”, u shpreh ai.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern