LIGJET E BIZNESIT
Instituti i Statistikave raportoi se inflacioni, treguesi që dëshmon për koston e jetesës në vend, pësoi rënie në qershor, duke zbritur në 4.5%. Në maj, ky tregues ishte në nivelin 4.7%.
Por pavarësisht rënies, ajo që të dhënat tregojnë është se shtrenjtimi i produkteve ushqimore vazhdon. Muajin e kaluar, rritja e çmimeve të këtyre produkteve ishte 10,3% nga 10% që shënoi në maj. Një ecuri e tillë ndikohet nga sezoni turistik, që ka shtuar fluksin e turistëve në vend dhe rrjedhimisht, ka rritur kërkesën për produkte ushqimore.
Brenda grupit të ushqimeve, rritjen më të madhe të çmimeve e regjistrojnë “Zarzavatet”, me 26.1%. Nëngrupi “qumësht, djathë dhe vezë” është rritur me 1.4 %, “mish” me 10.9%, “fruta” me 9.6%, “peshk” me 9.0%, “sheqer, recel, mjaltë, çokollata dhe ëmbëlsira” me 43% dhe “bukë e drithëra” me 4.0%.
Banka e Shqipërisë ka parashikuar se inflacioni do të vijë duke u stabilizuar deri në 3% që është objektivi brenda vitit të ardhshëm. Por pavarësisht ecurisë brenda pritshmërive, presionet inflacioniste në vend mbeten të larta, duke e bërë situatën ende të pasigurtë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
