Sipërmarrësi i njohur tregon arsyet e rënies së euros

Sipërmarrësi Maksim Caslli, në studion e “A2 Business” me Aurora Sulçen komentoi atë që po ndodh me euron në vendin tonë.

“Nuk mund të thuhet që është rezultat vetëm i tregut informal. Duke qenë se ndërtimi ishte një nga kontribuesit kryesorë të GDP-së, tregon që ka një fluks në fushën e shitblerjes së apartamenteve. Nga ana tjetër, kam lexuar edhe që konsumi i turistëve të huaj në këto 5-6 muaj ka qenë shumë më i lartë sesa vitet e kaluara. Dimë edhe që qeveria mori borxh sërish në euro, që do të thotë se qeveria do t’i shpenzojë në lekë. Të gjitha këto sjellin forcimin e lekut”, tha Caslli.