Fatos Cerenishti, sipërmarrës njëkohësisht dhe nënkryetar i Unionit Turistik Shqiptar ka deklaruar në emisionin A2 Business të gazetares Aurora Sulce, se ka vetëm një zgjidhje që t’i jepet fund një “punëtori sezonal” në vendin tonë.
Duke marrë në referencë vendet e rajonit, Cerenishti tha se duhet të merret vendimi që një punonjësi 6 muaj t’i paguhet paga nga biznesi ku është i punësuar dhe 6 muaj të tjerë nga shteti me anë të një asistence sociale. Sipas tij, për aq kohë sa ka rezultuar efektive në vendet fqinje, e njëjta gjë duhet të ndodhë në Shqipëri.
Në rast se nuk merret një vendim, Cerenishti parashikon një skenar të zymtë.
“Është një problem i madh dhe i pazgjidhur se nëse baret dhe restorantet kanë një vijueshmëri gjatë gjithë viti, në turizëm janë biznese sezonale që funksionon në 4 muaj, kështu që pushuesi për të marrë shërbimin, e ka më të vështirë, se është një periudhë e shkurtër dhe është e vështirë për të thirrur atë lloj shërbimi apo punonjësi të kualifikuar, vështirësitë janë shumë herë më të mëdha se në baret apo restorantet në qytet.
Turizmi mendoj që duhet vendoset që të merren vendime të shpejta, se nëse vazhdohen me këtë ritëm, turisti nuk do marrë shërbimin e nevojshëm se do kemi punëtor sezonal, vendet e rajonit e kanë zgjidhur që 6 muaj punonjësi të paguhet nga hoteli dhe pagën dhe 6 muaj të tjera shteti, dhe asistencë sociale, është e vetmja mënyrë për të pasur një standard dhe një cilësi tjetër shërbimi, jemi shpresëplot që do të zgjidhet se për aq kohë sa funksionon në vendet e rajonit dhe te ne do të funksionojë në të njëjtën mënyrë”, deklaroi ai për A2 Business.
