LIGJET E BIZNESIT
Raporti i fundit i “Moneyval” vlerëson se pavarësisht progresit të bërë në aspektin ligjor, pastrimi i parave mbetet problem për vendin tonë. Për këtë çështje u diskutua në emisionin A2 Business të gazetares Aurora Sulce.
Eduart Gjokutaj, ekspert për ekonominë, u shpreh se nisma për amnistinë fiskale e mban peng deri diku dhe është kryefjala e asaj që lidhet me thelbin e pastrimit të parave.
“Janë një tërësi rregullash që kanë akomoduar ato kërkesa të rekomandimeve, ndër 40 rekomandime që “Moneyval”. Nisma për amnistinë fiskale, e cila e mban peng deri diku dhe është kryefjala e asaj që lidhet me thelbin e pastrimit të parave. Për sa kohë kjo nismë është në kalendarin e diskutimeve nga qeveria është vlerësuar si e tillë dhe nuk mund të anashkalohet.
Nga ana tjetër, pavarësisht se nuk janë përfshirë në raport, por edhe nisma më e fundit e kontrollit dhe monitorimit të kanabisit mjekësor dhe industrial, është një nismë e cila është në skajin e atyre aktiviteteve të dyshuara. Të mos harrojmë që Shqipëria ka edhe një kuadër tjetër të përdorimit të parasë, ku kemi ligjin e kriptomonedhave, ligjin e lojërave të fatit, i cili përbën dyshueshmëri të mjaftueshme që të gjitha këto nuk mund të arrihen të monitorohen dot të gjitha”, tha Gjokutaj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përsa i përket zbulimit të skemave të pastrimit të parave nëpërmjet gjurmimit të parasë,eksperti i tregjeve financiare Artan Gjergji shpjegoi se kjo kërkon infrastrukturën e nevojshme, veçanërisht burimet njerëzore por edhe ato teknologjike.
“Zbulimi i skemave normalisht kërkon infrastrukturë. Infrastruktura janë burimet njerëzore por edhe elementët teknologjike. Infrastruktura duhet të jetë e ngritur, ndërkohë që duhet investuar shumë te burimet njerëzore.
Ndërkohë, në teknologji, mendoj që qeveria ka bërë shumë përpara në aspektin primar të fjalës, ndërkohë që lë shumë për të dëshiruar tek ato shërbime që reduktojnë qarkullimin e cash-it në ekonomi. Shërbimet elektronike janë jashtë mase të rëndësishme dhe një rol të rëndësishëm në këtë drejtim e ka Banka e Shqipërisë”, deklaroi Gjergji.
