LIGJET E BIZNESIT
Në një kohë kur blegtoria po kalon një periudhë të vështirë, me rënie të ndjeshme të numrit të krerëve, Ministria e Bujqësisë dhe Zhvillimit Rural ka bërë të ditur se në Skemën Kombëtare 2023 do të financohen të gjithë blegtorët aplikantë.
Më shumë se 80% e aplikimeve të blegtorëve janë verifikuar në terren dhe shumë shpejt ata do të marrin subvencionet nga buxheti i shtetit.
Konkretisht, në blegtori do të mbështeten fermat me jo më pak se 10 krerë lopë, në vlerën deri në 10 mijë lekë/krerë, por jo më shumë se 500 mijë lekë për subjekt.
Ndërsa tek të imtat do të mbështeten fermat me jo më pak se 100 krerë dele\ose dhi, por jo më shumë se 360 mijë lekë për subjekt. Buxheti për Skemën Kombëtare këtë vit kap vlerën e 3.3 miliardë lekëve.
