8 futbollistë që mbetën trokë pasi u tërhoqën nga sporti

Shumë herë, fama, suksesi dhe luksi shoqërohen me vese. Zbuloni futbollistët të cilët falimentuan pasi dolën në pension.

George Best – “Kam shpenzuar shumë para me alkool, femra dhe makina. Pjesën tjetër e kam harxhuar kot”. Kjo është fraza që tregon se si ka qenë jeta e George Best, legjendë e Manchester United për talentin e tij, por që në jetën private kishte gjithmonë probleme me paratë.

Garrincha – Së bashku me Pele, ka qenë një nga brazilianët më të talentuar të historisë së futbollit. I varur nga alkooli dhe duhani që në moshën 10-vjeçare, vdiq kur ishte 49 vjeç (në vitin 1983), shumë i varfër, për shkak të problemeve që i solli pija.

Paul Gascoigne – Ish-mesfushori i talentuar anglez ka pranuar se pinte 4 shishe uiski në ditë dhe gjithashtu konsumonte rregullisht kokainë. I humbi të gjitha paratë me këto vese dhe duke u shtruar në klinika rehabilitimi.

Christian Vieri – E humbi të gjithë pasurinë e tij me investime të gabuara, vese, poker dhe femra.

Ailton – U shpall kampion në Gjermani me Werder Bremen. Falimentoi pas disa investimesh të gabuara.

Andy Van Der Meyde – Ish-mesfushor holandez, e mbylli karrierën që në moshën 31-vjeçare. Pati probleme familjare dhe ishte i varur nga droga e alkooli, gjë që e çoi në falimentim.

Andreas Brehme – Mbrojtësi legjendar gjerman punonte para 10 vitesh si ndihmës në klubin e Stuttgart, por nuk e mbajti atë punë. U zhyt në varfëri dhe arriti deri aty sa i ofruan edhe një punë për të pastruar tualetet.

Ivan Zamorano – Ish-sulmuesi i Real Madrid dhe Inter ka pranuar që ka probleme të mëdha ekonomike për shkak të investimeve të gabuara. është në prag falimentimi.