Zhvillohet Asambleja e Përgjithshme e Shoqatës së Ndërtuesve të Shqipërisë. Në këtë takim u diskutuan disa problematika, që kanë të bëjnë me ecurinë e Shoqatës, si përballja me vështirësitë përgjatë vitit 2023 dhe zgjedhjet e reja për organet drejtuese.
Në këtë takim z. Luigj Aleksi mbajti një raport të detajuar mbi problematikat e sektorit, përpjekjet e drejtuesve të Shoqatës për zgjidhjen e tyre dhe pengesat që krijohen para industrisë së ndertimit. 3% i kontributit për banesat sociale, menaxhimi i dherave nga bashkitë, rritja e kostove të ndërtimit, për shkak të elementëve të tjerë, si pronësia mbi truallin etj, ishin problemet që u shtruan nga z. Aleksi.
Presidenti i nderit z. Artan Dulaku paraqiti ndryshimet e reja të ndërmarra në bordin drejtues të kësaj Shoqate me zgjedhjen e z. Erjon Harizi, si kryetar Bordi. Gjithashtu z. Dulaku i kerkoi Asamblesë përgatitjen e zgjedhjeve të reja për shoqaten dhe riorganizimin e strukturave të saj.
Në fjalen e tij z. Harizi u ndal te nevoja e riorganizmit, bashkimi i ndërtuesve dhe përgatitja për t’u përballuar me pengesat, që pushteti vendor dhe qendror krijojnë për industrinë e ndërtimit. Z. Harizi shprehu gatishmërinë për të mbështetur të gjithë anëtarësinë, duke i lehtësuar në punën e tyre të jashtëzakonshme në shërbim të shoqerise.
