LIGJET E BIZNESIT
Pas zgjedhjeve të 14 majit, ku kemi edhe fituesit që do të drejtojnë 61 bashkitë për katër vitet e ardhshme, pyetja që shtrohet natyrshëm është se çfarë ndryshon për qytetarët? Ndryshe nga vitit 2019, ku thuajse i gjithë pushteti vendor administrohej nga socialistët, pas zgjedhjeve të së dielës kemi shtatë bashki që do të drejtohen nga lokacioni “Bashkë fitojmë”.
Sherefedin Shehu, ekspert për ekonominë dhe ish zv.ministër i Financave u shpreh në emisionin A2 Business të gazetares Aurora Sulce se njerëzit e kërcënuar nga partia votojnë partinë në pushtet.
“Njerëzit e kërcënuar nga partia votojnë partinë në pushtet. Natyrisht që tregoi edhe një trend që është vërtetuar nga regjimet komuniste, i tillë po bëhet edhe i joni. Ne kemi ardhur në standardin që kishim para vitit 1990.
Një pjesë e shqiptarëve kanë vendosur të largohen nga Shqipëria dhe një pjesë kanë vendosur të qëndrojnë këtu nën kontrollin e qeverisë.
Kishim votime dhe nuk kishim zgjedhje edhe për faktin se nuk u votuan alternativat, por partia në pushtet nëpërmjet mekanizmave të indimidimit, të presionit dhe në fund edhe të përdorimit të varfërisë”, u shpreh Shehu.
