LIGJET E BIZNESIT
Sistemi bankar ka shënuar një fitim në nivele rekord në tremujorin e parë të këtij viti. Sipas të dhënave të Bankës së Shqipërisë, fitimi neto në janar-mars arriti vlerën e 6.78 miliardë lekë, me rritje me 107% krahasuar me të njëjtën periudhë të një viti më parë. Në vlerë absolute, ky është fitimi më i lartë historik i realizuar nga sektori bankar shqiptar për tremujorin e parë të vitit.
Fitimet më të mëdha kanë sjellë edhe një përmirësim të dukshëm të treguesve të rentabilitetit, krahasuar me të njëjtën periudhë të një viti më parë.
Kthimi nga kapitali i sektorit, i mesatarizuar me bazë vjetore, u rrit në 14.58%, nga 7.36% që kishte në fund të tremujorit të parë të vitit të mëparshëm. Ndërsa kthimi nga aktivet u rrit në 1.7%, nga 0.84% që kishte qenë në të njëjtën periudhë të vitit 2022.
Shifrat bazohen në standardet e raportimit sipas kërkesave të Bankës së Shqipërisë dhe kanë kryesisht një vlerë orientuese për tendencën e performancës së sistemit. Standarde ligjore të raportimit për bankat janë Standardet Ndërkombëtare të Raportimit Financiar (IFRS), por ato janë të disponueshme vetëm me bazë tremujore.
Rritja e normave të interesit nga bankat qendrore në fazën e parë, ashtu siç pritej, ka pasur një ndikim pozitiv në performancën e bankave, duke zgjeruar rezultatin neto nga interesat.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
