LIGJET E BIZNESIT
Shqiptarët kanë kryer më pak krime gjatë vitit 2022, por një kategori e tyre, ku përfshihen dhuna në familje dhe krimet seksuale kanë shënuar rritje. Në këtë përfundim ka arritur Instituti i Statistikave në raportin “Statistikat e krimeve dhe drejtësisë penale, 2.022”
“Veprat penale mashtrime, dhuna në familje (neni 130/a), krime seksuale, vjedhje duke shpërdoruar detyrën dhe vjedhje me armë janë rritur krahasuar me vitin e kaluar, ndërsa pjesa tjetër e veprave penale ka pësuar rënie”, theksohet në raportin e INSTAT-it.
Autorë të veprave penale: Në vitin 2022, janë regjistruar 38.198 autorë për vepër penale, 2,9 % më pak, krahasuar me vitin 2021. Numri i autorëve sipas veprave penale përfshin numrin e personave të dyshuar të cilët mund të jenë të pranishëm në më shumë se një vepër penale dhe autori numërohet në të gjitha veprat ku është i dyshuar. Ndërkohë, numri i autorëve pa përsëritje në veprat penale, në vitin 2022 është 32.420 autorë, 9,3 % më pak, krahasuar me vitin 2021.
Të dëmtuar: Në vitin 2022, 36 % e autorëve janë të grupmoshës 30-44 vjeç, 26,7 % të grupmoshës 18-29 vjeç dhe 22 % i përkasin grupmoshës 45-59 vjeç.
Në vitin 2022, 40 % e personave të dëmtuar për krime kundër personit ishin femra dhe përqindja më e madhe e tyre vihet re në Krime seksuale, Krime kundër fëmijëve, martesës dhe familjes si edhe Krime kundër moralit dhe dinjitetit.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Procedime penale: Në vitin 2022, numri i procedimeve penale të regjistruara është 25.708 procedime, 9,3 % më pak, krahasuar me vitin 2021. Nga 25.853 procedime penale të përfunduara, 25,9 % e tyre janë pushuar, 30,7 % janë pezulluar dhe 43,4 % janë dërguar për gjykim në gjykatë.
Të pandehur: Në vitin 2022, janë regjistruar 16.246 persona të pandehur, 0,3 % më shumë, krahasuar me vitin 2021. Veprat penale Vrasje me dashje, Dhuna në familje, Krimet në fushën e drogës, Shkelja e rregullave të qarkullimit rrugor, Krime seksuale dhe Vjedhje me armë janë rritur, krahasuar :me vitin e kaluar, ndërsa pjesa tjetër e veprave penale ka pësuar rënie.
Të burgosur Në vitin 2022, numri i të burgosurve në institucionet e ekzekutimit të vendimeve penale është 4.944, 0,2 % më pak, krahasuar me vitin 2021. Meshkujt përbëjnë 98,7 % të totalit të të burgosurve. Grupmosha 21-29 vjeç ka numrin më të lartë të të burgosurve. Personat mbi 60 vjeç dhe nën 20 vjeç kanë numrin më të ulët të të burgosurve.
