Shqiptarët, të punësuar më shumë në shërbime, “braktisin” bujqësinë dhe industrinë

Sot gjithmonë e më pak janë ata që punësohen apo duan të punësohen në bujqësi dhe industri, dy sektorët lokomotivë të ekonomisë para viteve ’90. Ndryshimi i strukturës së ekonomis,ë por edhe emigracioni ka kushtëzuar një model të ri të tregut të punës, ku ai që po lulëzon është sektori i shërbimeve.

Sipas të dhënave të Institutit të Statistikave, gjatë tremujorit të katërt të vitit 2022, shkalla e punësimit për popullsinë 15-64 vjeç është 66.5 %. Punësimi është rritur me 4.2% kundrejt të njëjtës periudhë të një viti më parë.

Në terma vjetorë, punësimi rritet me 0.5 % në sektorin e industrisë, me 6.3 % në sektorin e shërbimeve, dhe me 3.8 % në sektorin e bujqësisë. Krahasuar me tremujorin e mëparshëm, në tremujorin e katërt 2022, punësimi për popullsinë 15 vjeç e lart u ul me 0.4 %. Punësimi u ul me 2.5 % në sektorin e bujqësisë dhe me 0.3 % në sektorin e industrisë, ndërsa u rrit me 1.4 % në sektorin e shërbimeve.

Punësimi në shërbime bën që të lihet më pak vlerë e shtuar në ekonomi, ndryshe nga sa do të ndodhte me punësimin në bujqësi apo industri, që do të ndikonte direkt në rritjen e prodhimit vendas dhe mundësinë për eksport.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern