Sezoni turistik/ Paralajmërimi i operatorëve: 20% më shtrenjtë këtë vit

Oferta turistike e Shqipërisë këtë sezon do ë jetë 20% më e shtrenjtë. Operatorët e sektorit shpjegojnë se në çmimin final do të faturohet rritja e kostove, nga shtrenjtimi i çmimeve, rritja  e pagave etj.

“Rritja e çmimeve për këtë sezon krahasuar me sezonin e kaluar po shkon 20% më shtrenjtë për shkak të akomodimit të ushqimeve, por dhe rritjes së pagave. Ne parashikojmë një rritje të lehtë të çmimeve këtë vit, edhe nëse tashmë është ulur nafta krahasuar me vitin e kaluar, por çmimet janë të larta në çdo sektor për shkak të inflacionit dhe shumë ndikuesve të tjerë“, shprehet Frenkli Prengaj, tur-operator.

Ndërkohë ulja e çmimeve të karburanteve duket se nuk do të ketë ndikim në zbutjen e çmimeve për turistët.  Por pavarësisht rritjes së çmimeve, ky vit pritet të jetë i mbarë për sektorin e turizmit. Sipas agjencive turistike, rezervimet kanë shënuar një rritje 20%, krahasuar me një vit më parë. Ndërkohë që interesi i turistëve për sezonin ka filluar më herët, që në muajt prill e maj.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern