LIGJET E BIZNESIT
Çfarë do të bëhesh kur të rritesh?
Si fëmijë, gjithmonë na është bërë kjo pyetje dhe përgjigjet tona shpesh kanë bërë prindërit tanë të qeshin. Por pak e dinë se shumica e atyre që akoma disa ëndërrojnë të bëjnë janë profesione të mirëfillta. Ja një listë me 10 punë të çuditshme në mbarë botën që nuk do ta besoni se ekzistojnë:
- Shtyrës profesional
Japonezët janë një popull shumë punëtor. Të gjithë duhet të shkojnë në punë në orar, prandaj ata punësojnë profesionistë që shtyjnë të tjerët në tren. Kështu askush nuk bëhet vonë për në punë!
- I dashur me qira
Në Tokyo, nëse ke para, nuk është aspak e vështirë të gjesh një të dashur. Po, në kuptimin e plotë të fjalës, nëse të duhet një i dashur apo partner, për të të shoqëruar diku mund ta marrësh me qira dhe ta kthesh. Mjafton të paguash tarifën!
- Pritës në radhë profesional
Për aq kohë sa në botë ka radhë të gjata, Narabiyas (fjala japoneze për personat që presin në radhë) nuk do të dalin kurrë nga moda. Këta punëtorë të pavarur presin me kënaqësi në radhët e gjata të supermarketeve, bankave apo çdo institucioni për ty në shkëmbim të parave.
- Gjumash profesional
UAU! Mund të paguhesh duke bërë aktivitetin e preferuar. Kjo po që tingëllon si puna e ëndrrave. Të paguhesh për të fjetur. Gjumashët profesionalë punojnë në mënyrë që shkencëtarët të realizojnë kërkimet e tyre mbi çrregullimet e gjumit.
- I ftuar në dasmë
Kjo punë me kohë të pjesshme bëhet në rastin kur dikush merr një ftesë çift për në dasmë dhe nuk ka dikë që ta shoqërojë. Përveç pagesës monetare, punonjësi merr edhe ushqim nga dasma!
- Testues deodoranti
Kjo punë përkon tërësisht me shprehjen “ti fusësh hundët në punën e të tjerëve”. Po, këta njerëz paguhen për të nuhatur trupin e të tjerëve dhe testuar fuqinë e aromës në deodorantëve.
- Përqafues profesional
Nëse je në Japoni dhe të ka marrë malli për të partneren, mos u shqetëso. Vetëm paguaj dhe mund të flesh i përqafuar me një grua japoneze!
- Shijues ushqimi kafshësh
Ai që ka shpikur këtë profesion duhet të jetë ose një adhurues i madh kafshësh ose thjesht ka pasur shije të çuditshme. Mund të duket e shpifur, por ka njerëz në botë që krijojnë të ardhura vetëm duke ngrënë ushqim kafshësh!
- Cuidacarro (roje makinash)
Një “cuidacarro” mund ta gjesh gjithmonë kur je duke parkuar makinën në Kosta Rika. Puna e tij nuk është aq e komplikuar sa duket. Ai thjesht shikon makinën tuaj kur ju nuk jeni në atë destinacion, kështu askush nuk mund t’ua u vjedhë ose dëmtojë.
- Testues mobiliesh
Tingëllon shumë e çuditshme, por kompani të ndryshme punësojnë njerëz për të testuar mobiliet që prodhojnë. Punonjësi vetëm duhet të ulet, shtrihet ose flejë në një mobilie për të parë se sa e rehatshme është.
