Sipërmarrësi tregon: Ja sa rryshfet më kërkojnë për një leje në bashki

Eksportuesi i bimëve medicinale, Xhevit Hysenaj ka deklaruar në emisionin A2 Business të gazetares Aurora Sulce rryshfetin që është i detyruar të paguajë në bashki për të marrë një leje për mbledhjen e bimëve mjekësore në natyre. Ai ka s.hpjeguar se vetëm për shkak të këtij korrupsioni, kostot rriten ndjeshëm

“Nëse unë kërkoj të marr një leje të grumbullimit në natyrë nëpër bashki, duhet të paguash jo më pak se 3-6 fishin e tarifave që ka vënë shteti. Nëse nuk i paguan nën dorë këto para, je i skualifikuar me 1100 përralla. Më lehtë merr një leje për një pallat 36-katësh në Tiranë sesa të marrësh leje për mersinën në Bashkinë e Durrësit. Por mersina në total, maksimumi mund të eksportohet deri në 50 milionë euro. Ne do ishim të kënaqur të mos na ndihmonin, ama mos të na pengonin”, deklaroi Hysenaj.

Ai shpjegoi se korrupsioni është një ndër aryset që investitorët e huaj nuk vijnë në Shqipëri.

“Investitorët e huaj nuk vijnë për të vetmen arsye sepse nuk kemi para cash. Ne që jemi 100% eksportues i kemi të gjitha lëvizjet nëpërmjet bankës. Ku t’i nxjerrim dhe ti justifikojmë lekët e korrupsionit që kërkojnë këta dhe që duhen në cash”, shprehet eksportuesi.