Gjetja e mundësive alternative për sigurimin e energjisë elektrike ishte një ndër temat që u diskutua mbrëmjen e së premtes në A2 Business me gazetaren Aurora Sulçe.
I ftuar në studio, inxhinieri dhe eksperti për ekonominë Azmer Duleviç u shpreh se qeveria duhet të bëjë më shumë në lidhje me panelet diellore dhe skemat për financimin e tyre që të rritet numri i familjeve që e prodhojnë vetë energjinë.
Ai nuk la pa përmendur dhe TEC-in e Vlorës, i cili ende nuk është vënë në punë, pasi sipas tij mund të kontribuojë në sigurinë energjetike.
“Ne në këto momente nuk kemi një shifër se sa është kursimi, asnjë person të gjobitur, kjo ngre hije dyshimi. Sa i përket familjeve, për pjesën e prodhuesve shifrat janë kokëforta, janë vetëm mbi 1000 familje. Duhet të bëjmë më shumë që kjo të shtohet. Ka një pr/ligj për burimet e rinovueshme dhe duhet të përfshihen dhe subvencione direkte për familjet që kanë mundësinë të prodhojnë energji. Duhet të përmendim TEC-in e Vlorës, jemi në 2023, sa duhet të presim ende që të punojë”, tha Duleviç.
