SHBA preferon të punësojë persona mbi 55 vjeç, ja arsyeja

Bizneset në Shtetet e Bashkuara të Amerikës prej kohësh tashmë preferojnë të punësojnë persona mbi 55 vjec. Kjo pasi ata janë më të papërtueshëm si dhe konsiderohen me përvojë dhe të përkushtuar . 75% e të anketuarve të moshës 65 vjeç e lart e përshkruajnë punën e palodhur si shumë të rëndësishme për ta. Megjithatë, përqindja është dukshëm më e ulët, përkatësisht 61%, kur e njëjta pyetje u bëhet të rinjve të moshës 18 deri në 29 vjeç.

Në kohë krize, pjesa më e madhe e njerëzve priret të besojë se punëtorët e moshuar janë më të cenuarit dhe më të prirur për pushime nga puna dhe reduktime të stafit të përgjithshëm. Megjithatë, duket se ky imazh nuk përputhet me realitetin e kompanive, të paktën atyre amerikane, të cilat preferojnë punonjës me përvojë të moshës së shtyrë duke i konsideruar qartësisht punëtorë më të palodhur dhe shumë më të përkushtuar ndaj punës së tyre, pa shpërqendrimet e rinisë.

Në muajt e fundit, punëtorët mbi 55 vjeç kanë qenë shumë të kërkuar nga kompanitë. Arsyeja për këtë paradoks është se në këto mosha njerëzit janë veçanërisht dinamikë profesionalisht, siç del nga një hulumtim i lidhur nga Wall Street Journal dhe Instituti NORC mbi vlerat amerikane.

Një sondazh i publikuar së fundmi tregon se 75% e të anketuarve të moshës 65 vjeç e lart e përshkruajnë punën e palodhur si shumë të rëndësishme për ta. Megjithatë, përqindja është dukshëm më e ulët, përkatësisht 61%, kur e njëjta pyetje u bëhet të rinjve të moshës 18 deri në 29 vjeç.

Bazuar në rezultatet e sondazhit, njerëzit e moshës 55 vjeç e lart janë tani segmenti me rritje më të shpejtë të fuqisë punëtore në SHBA. Ndryshimet demografike mund të japin një shpjegim të arsyeshëm për këtë prirje pasi në kohën tonë njerëzit jetojnë më gjatë dhe kanë më pak fëmijë. Përveç kësaj, disa pensionistë nuk kanë zgjidhje tjetër veçse të punojnë për të përballuar përditshmërinë për shkak të rritjes së inflacionit.

Megjithatë, disa biznese kërkojnë të punësojnë njerëz të moshuar me premisën se vitet e tyre janë një pasuri e rëndësishme pasi sjellin përvojë dhe gjykim të mprehtë.