Nuk ka të ndalur rënia e euros. Monedha europiane ka zbritur sot në 112.9 lekë, duke iu afruar me shpejtësi minimumit historik të shënuar në dhjetor të vitit të kaluar, ku euro u këmbye me 112.83 lekë.
Rënia e fortë e monedhës europiane shpjegohet me ofertën e lartë valutore të saj në treg. Aktualisht, ka sasi të konsiderueshme eurosh në qrakullim, që si burim kanë remintancat, të ardhurat nga turizmi, që duket që ka nisur i mbarë këtë vit dhe padyshim, investimet e huaja, por edhe burimet informale. Pak ditë më parë u publikuan të dhënat e Bilancit të Pagesave nga Banka e Shqipërisë, ku rezultoi se vitin e kaluar të ardhurat nga turizmi, remitancat dhe investimet e huaja direkte shënuan vlerën më të lartë në të paktën 15 vitet e fundit. Situata tregon se një fluks i tillë valutor vijon ende.
Një tjetër faktor që ka ndikuar në forcimin e lekut kundrejt euros është edhe shtrëngimi i politikës monetare nga Banka e Shqipërisë. Që prej marsit të vitit të kaluar, norma bazë e interesit për lekun është rritur nga 0.5% në 3% aktualisht.
Nuk ka të ndalur rënia e euros. Monedha europiane ka zbritur sot në 112.9 lekë, duke iu afruar me shpejtësi minimumit historik të shënuar në dhjetor të vitit të kaluar, ku euro u këmbye me 112.83 lekë.
Rënia e fortë e monedhës europiane shpjegohet me ofertën e lartë valutore të saj në treg. Aktualisht, ka sasi të konsiderueshme eurosh në qrakullim, që si burim kanë remintancat, të ardhurat nga turizmi, që duket që ka nisur i mbarë këtë vit dhe padyshim, investimet e huaja, por edhe burimet informale. Pak ditë më parë u publikuan të dhënat e Bilancit të Pagesave nga Banka e Shqipërisë, ku rezultoi se vitin e kaluar të ardhurat nga turizmi, remitancat dhe investimet e huaja direkte shënuan vlerën më të lartë në të paktën 15 vitet e fundit. Situata tregon se një fluks i tillë valutor vijon ende.
Një tjetër faktor që ka ndikuar në forcimin e lekut kundrejt euros është edhe shtrëngimi i politikës monetare nga Banka e Shqipërisë. Që prej marsit të vitit të kaluar, norma bazë e interesit për lekun është rritur nga 0.5% në 3% aktualisht.
