LIGJET E BIZNESIT
Për Bankën Botërore, institucionin e rëndësishëm financiar ndërkombëtar dhe partner i qeverisë shqiptare, rritja e pagës në sektorin publik në 900 euro nuk është elementi i v etëm për të ndaluar emigracionin. Menaxheri i Zyrës së BB-së në Tiranë, Emanuel Salinas i pyetur nga gazetarët në konferencën për shtyp me kryeministrin Rama ka shpjeguar se mund të përdoren të tjerë elementë.
“Çështja e emigracionit është komplekse, po pagat janë një pjesë e rëndësishme. Po kështu kur flasim me njerëzit sidomos të rinjtë, nuk është vetëm çështja e pagave, por çështja për të pasur jo vetëm një punë të mirë , por edhe një punë për të krijuar perspektivë. Sa për emigracionin duhet të mundësojmë sektorin privat për të qenë më aktiv në vend. Ka më shumë potencial për të sjellë në vend investime e mundësi.”, ka deklaruar Salinas.
Zyrtari i lartë i Bankës Botërore ka shpjeguar se tre shtyllat e strategjisë së bashkëpunimit me qeverinë shqiptare në katër vitet në vijim do të fokusohen pikërisht tek krijimi i më shumë vendeve të punës dhe më cilësore, një përdorim më i mirë i kapitalit njerëzor dhe aftësi për të përballuar goditjet e krizave.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
