Një fabrikë në Shqipëri po prodhon autoambulanca që do të dhurohen për Ukrainën.
Lajmin e ka bërë të ditur kryeministri Edi Rama në rrjetet sociale. Ai njoftoi se sipërmarrësja shqiptare Arjeta Puca, është përzgjedhur nga OKB, për të prodhuar 500 autoambulanca që do të dhurohen për Ukrainën.
Së bashku me familjen Arjeta ka themeluar në vitin 2016, kompaninë TIMAK, duke prodhuar deri tani mbi 150 autoambulanca, për spitalet shqiptare si edhe për vendet fqinje si Maqedonia e Veriut, Bullgaria, Turqia etj.
