Tatimet apel biznesit: 30 marsi afati i fundit për të paguar Tatimin mbi Fitimin

Bizneset kanë kohë edhe ditën e nesërme për të paguar Tatimin mbi Fitimin. Drejtoria e Përgjithshme e Tatimeve kujton tatimpaguesit se nesër, datë 30 Mars, është afati i fundit i pagesës së kësteve të Tatimit mbi Fitimin për 3-mujorin e parë të vitit 2023, sipas pasqyrave financiare dhe deklaratës vjetore të Tatim-Fitimit për vitin 2022, bazuar në nenin 30 të ligjit nr.8438 dt.28.12.1998  “Për tatimin mbi të ardhurat”, i ndryshuar.

“Kujtojmë Tatimpaguesit se mosdeklarimi i saktë dhe mospagesa brenda muajit Mars, ju penalizon me gjoba dhe interesa sipas ligjit. Udhëzojmë të gjithë Tatimpaguesit, me qëllim shmangien e penaliteteve dhe kostove shtesë, të bëjnë deklarimet saktë, në afat dhe të paguajnë detyrimet brenda afatit”, theksojnë tatimet.