LIGJET E BIZNESIT
Qeveria ka nisur diskutimin me grupet e interesit për projektin e saj të vlerësimit të të gjitha godinave 50-vjecare. Drafti është diskutuar në Këshillin Konsultativ Qeveri Qendrore – Vetëqeverisje Vendore, ku Ministria e Infrastrukturës dhe Energjisë prezantoi përmbajtjen e nismës të auditimit teknik të këtyre godinave. Ndërkohë pikëpyetje ka se çfarë do ndodhë me pronën.
Juristi i ministrisë bëri me dije se përzgjedhja e godinave nuk është lënë në dorë të viteve të ndërtimit.
Ndërkaq, sikurse shumë ekspertë që kanë shprehur shqetësimin për fatin e pronës apo truallit, ku janë të pozicionuara ndërtesat që mund të prishen, juristi i MIE tha se projekt vendimi nuk e adreson këtë problem, teksa priten sugjerime.
Gjatë mbledhjes nuk pati asnjë koment nga të pranishmit, ndërkohë që bashkë kryetarja e Këshillit Konsultativ tha se pyetjet do të dërgohen me shkrim.
Projektvendimi i qeverisë për auditimin teknik parashikon se të gjithë objektet, që kanë mbi 50 vjet që janë ndërtuar, që vlerësohen nga auditimi teknik si të pasigurta do të riparohen ose prishen. Por, ekspertët kanë ngritur një sërë shqetësimesh, që lidhen me administrimin e pronës private, duke theksuar se dokumenti që synohet të miratohet e le pronën në dorë të shtetit, duke zhveshur çdo marrëdhënie pronësie. Ndërkohë që, lihet hapësirë për përzgjedhje selektive, sipas interesave të caktuara për zhvillimin e pronës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
