LIGJET E BIZNESIT
Qeveria mbetet e vendosur të taksojë profesionet e lira. Drafti i kundërshtuar ashpër nga ekspertët kontabël ka mbërritur për diskutim në Komisionin Parlamentar të Ekonomisë. Projektligjit “Për tatimin mbi të ardhurat”, që parashikon taksimin nga 15-23% të profesioneve të lira pritet të kalojë për miratim përfundimtar në seancë plenare pas tre javësh.
Lajmi u bë i ditur nga kryetari I komisionit të Ekonomisë, Eduard Shalsi. Projektligji ishte parashikuar të hynte në fuqi nga 1 janari 2023, por u shty në fund të këtij viti, pasi grupi i punës i ngritur nga komisioni parlamentar kërkoi të marrë në shqyrtim ankesat e Institutit të kontabilistëve të Miratuar dhe Shoqatës së Bankave.
Kryetari i Komisionit shtoi se grupi i punës ka bërë disa rishikime në draft në lidhje me përkufizimet, por edhe ka marrë në konsideratë disa propozime të sistemit bankar të paraqitura nga shoqata e bankave dhe Banka e Shqipërisë.
Përsa i përket ndryshimeve të reflektuara pas kundërshtimeve të grupeve të interesit relatorët e draftit prezantuan vetëm ato për përmirësim dhe saktësim termash, jo shqetësimet e profesioneve të lira për zbatimin e tatimit progresiv që nis nga 1 janari 2024.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
