Qeveria merr vendimin: Regjistër për shqiptarët e dënuar në botë

Për të gjithë shqiptarët që janë dënuar jashtë vendit për vepra të ndryshme penale do të krijohet një regjistër elektronik, që do të shërbejë si bazë të dhënash shtetërore.  Këshilli i Ministrave miratoi këtë të mërkurë regjistrin me të dhënat e të dënuarve shqiptarë në botë.

Sipas vendimit të publikuar nga kryeministria ky regjistër është një bazë e të dhënave shtetërore, nëpërmjet së cilës grumbullohet informacioni i organizuar dhe i ruajtur në formë elektronike për ҫdo vendim penal të formës së prerë, të dhënë nga autoritetet e huaja ndaj shtetasve shqiptarë, shtetasve të huaj ose pa shtetësi, por me banim të përhershëm në shtetin shqiptar, ku përpunimi dhe përditësimi i tij kryhet nëpërmjet një sistemi kompjuterik.

Regjistri në fjalë përmban të dhëna që nga gjendja civile e të dënuarit, shteti ku është dënuar, vendimi i dhënë për të, vepra për të cilën është dënuar, etj.

shteti në të cilin është dënuar personi, autoriteti gjyqësor që ka dhënë dënimin, të dhënat e vendimit penal të autoritetit gjyqësor të huaj, vepra penale për të cilën është dënuar, masa e dënimit, shteti i ekzekutimit të vendimit penal etj.

Regjistri I krijuar do të ndërlidhet edhe me regjistrin kombëtarë të Gjendjes Civile, atë të çështjeve gjyqësore dhe penale. Ky regjistër elektronik i gjendjes gjyqësore të personave të dënuar jashtë vendit do të administrohet e mirëmbahet nga Ministria e Drejtësisë.