Prokurimi i pazakontë, KESH do të blejë energji për 3-5 vjet

Korporata Elektroenergjetike Shqiptare do të blejë energji elektrike për një periudhë 3 deri më 5 vjet. Një procedurë e pazakontë prokurimi, që me shumë gjasë bëhet për të siguruar energjinë që i duhet vendit në afatgjatë, në këtë moment që çmimet kanë pësuar rënie dhe kur nuk dihet sesi do të jetë ecuria e tyre në vijim, pasi bursat janë shumë të luhatshme.

Sipas procedurës së shpallur nga KESH, synohet lidhja e një kontrate për import energjie 3 dhe/ose 5-vjeçare, ndërsa shitësi do jetë përgjegjës për energjinë e kërkuar, kostot e transmetimit dhe të gjitha pagesat e Kapacitetit Transmetues Ndërkufitar. Gara do të jetë e hapur deri në datën 14 prill.

Një vendim i tillë po merret në një kohë kur për të siguruar energji elektrike për vendin po ndërhyhet në disa drejtime, për të shtuar kapacitetin prodhues dhe ulur varësinë nga importi. Qeveria po synon diversifikimin e prodhimit nëpërmjet fotovoltaikëve, ndërkohë që janë marrë me qira në periudhn e krizës energjetike u morrën edhe 2 TEC-et lundures.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern