LIGJET E BIZNESIT
Qeveria e ka gati projektligjin pët hapjen e basteve sportive online. Ministrja e Finnacave dhe Ekonomisë, Delina Ibrahimaj ka bërë të ditur në konferencën për shtyp mbi treguesit e ekonomisë gjatë 3-mujorit të parë të vitit, se javën e ardhshme drafti do të hidhet për konsultim publik.
“Ligji parashikon rihapjen online te basteve sportive, dhe jo të gjitha basteve siç kanë qenë më parë në pika fizike. Ligji do të hidhet për konsultim publik në fillim te javës së ardhshme dhe do të kalojë fazat e konsultimit publik dhe më pas do të shkojë në qeveri dhe do të ndjekë fazat e miratimit në parlament.
Do të ketë tryeze konsultimi me të gjitha grupet e interesit në mënyrë që të arrijmë me një draft ligjor sa më të konsoliduar dhe të parashikojë mbrojtjen sociale për ata kategori që janë të prekura nga ky ligj”, deklaroi ministrja.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
