Shtrenjtimi i kredive, si pasojë e rritjes së normave bazë të interesit ka stepur kreditimin. Qytetarët dhe bizneset po kërkojnë më pak hua dhe kjo situatë pritet të ketë ndikim negativ tek ekonomia.
Banka e Shqipërisë konstaton në Vrojtimin e Aktivitetit Kreditues se deri gjatë tremujorit të fundit të vitit 2022 bankat kanë kredituar individët brenda një kuadri të kujdesshëm, duke shtrënguar standardet e kreditimit dhe duke miratuar një numër më të ulët aplikimesh për kredi. E njëjta gjë ka ndodhur edhe me biznesin.
“Standardet, kushtet e termat e kreditimit në kreditë e reja për bizneset u shtrënguan, si në terma të madhësisë së biznesit, ashtu edhe në terma të përdorimit të kredisë. Në të njëjtën linjë me to, edhe raporti i aplikimeve të pranuara (ndaj totalit të aplikimeve) ra gjatë tremujorit të fundit”, theksohet në Vrojtimin e BSH-së.
Bankat vijojnë të perceptojnë rreziqe dhe pasiguri për situatën makroekonomike e financiare e perspektivën e saj, që mund të cenojnë bilancet e bizneseve. Për këtë arsye, politikat e kredidhënies i kanë bazuar në një bandë më të ngushtë tolerance ndaj rrezikut. Nga ana tjetër, normalizimi i politikave monetare në vend dhe jashtë po shton kostot e fondeve të bankave, duke përbërë një faktor të shtuar shtrëngues për kushtet e termat e kreditimit për bizneset
“Në tremujorin e parë të vitit 2023, kushtet e ofertës për kredi priten të mos ndryshojnë pothuajse për të gjithë agjentët ekonomikë. Nga ana tjetër, kërkesa për kredi pritet të jetë më e ulët, kryesisht për financimin e investimeve dhe në segmentin e biznesit të vogël e të mesëm.
Kredia për likuiditete, nga ana tjetër, pritet të jetë më e lartë. Kredia për individë pritet të jetë sërish në rënie, si në mbulimin e nevojave për konsum ashtu edhe në financimin për blerjet e banesave”, thekson Banka e Shqipërisë në Vrojtimin e Aktivitetit Kreditues.
Kreditë pritet të shtrenjtohen më tej gjatë këtij viti, duke pasur parasysh vendimin e marrë javën e kaluar nga Banka Qendrore Europiane për të rritur me 0.5% normën bazë të interesit për euron, cka pritet të ndikojë direkt tek kreditë në këtë valutë.
Rritje e normës bazë të interesit pritet të merret në vijim edhe nga Banka e Shqipërisë për lekun.
Shtrenjtimi i kredive, si pasojë e rritjes së normave bazë të interesit ka stepur kreditimin. Qytetarët dhe bizneset po kërkojnë më pak hua dhe kjo situatë pritet të ketë ndikim negativ tek ekonomia.
Banka e Shqipërisë konstaton në Vrojtimin e Aktivitetit Kreditues se deri gjatë tremujorit të fundit të vitit 2022 bankat kanë kredituar individët brenda një kuadri të kujdesshëm, duke shtrënguar standardet e kreditimit dhe duke miratuar një numër më të ulët aplikimesh për kredi. E njëjta gjë ka ndodhur edhe me biznesin.
“Standardet, kushtet e termat e kreditimit në kreditë e reja për bizneset u shtrënguan, si në terma të madhësisë së biznesit, ashtu edhe në terma të përdorimit të kredisë. Në të njëjtën linjë me to, edhe raporti i aplikimeve të pranuara (ndaj totalit të aplikimeve) ra gjatë tremujorit të fundit”, theksohet në Vrojtimin e BSH-së.
Bankat vijojnë të perceptojnë rreziqe dhe pasiguri për situatën makroekonomike e financiare e perspektivën e saj, që mund të cenojnë bilancet e bizneseve. Për këtë arsye, politikat e kredidhënies i kanë bazuar në një bandë më të ngushtë tolerance ndaj rrezikut. Nga ana tjetër, normalizimi i politikave monetare në vend dhe jashtë po shton kostot e fondeve të bankave, duke përbërë një faktor të shtuar shtrëngues për kushtet e termat e kreditimit për bizneset
“Në tremujorin e parë të vitit 2023, kushtet e ofertës për kredi priten të mos ndryshojnë pothuajse për të gjithë agjentët ekonomikë. Nga ana tjetër, kërkesa për kredi pritet të jetë më e ulët, kryesisht për financimin e investimeve dhe në segmentin e biznesit të vogël e të mesëm.
Kredia për likuiditete, nga ana tjetër, pritet të jetë më e lartë. Kredia për individë pritet të jetë sërish në rënie, si në mbulimin e nevojave për konsum ashtu edhe në financimin për blerjet e banesave”, thekson Banka e Shqipërisë në Vrojtimin e Aktivitetit Kreditues.
Kreditë pritet të shtrenjtohen më tej gjatë këtij viti, duke pasur parasysh vendimin e marrë javën e kaluar nga Banka Qendrore Europiane për të rritur me 0.5% normën bazë të interesit për euron, cka pritet të ndikojë direkt tek kreditë në këtë valutë.
Rritje e normës bazë të interesit pritet të merret në vijim edhe nga Banka e Shqipërisë për lekun.
