Turizëm i vështirë/ 63% e vizitorëve vijnë në 4 muaj, pjesa tjetër e vitit mbetet “bosh”

Me gjithë shtimin e të huajve që vizitojnë vendin edhe jashtë sezonit veror, Shqipëria nuk po arrin dot “turizmin gjithëvjetor”. Të dhënat nga Instituti i Statistikave tregojnë se vetëm në harkun e muajve qershor-shtator, vendin e vizituan më shumë se 4.7 milionë shifër kjo sa 63 për qind e totalit të hyrjeve vitin e shkuar. Ndonëse në rritje në raport me vitet paraardhëse, edhe hyrjet e të huajve gjatë dimrit vijojnë të mbesin në nivele të ulëta.

“Ne s’kemi pista skish. Si mund të bëhet turizëm dimër malor dhe nuk kemi pista skish. Kosova, që ka një ofertë turistike më modeste se e jona ka 4-5 pista skish dhe kështu arrin të ofrojë një ofertë turistike shumë herë më të mirë se jona”, shprehet Flora Xhamani.

Ndërkohë që Ministria e Turizmit bashkë me grupet e interesit po harton një ligj të ri për turizmin, ekspertët kërkojnë një fokus i veçantë t’i jepet turizmit gjatë gjithë vitit.

“Duket fokus i veçantë që në afatmesëm të kemi të paktën 280 ditë me turistë. Duhet të përfshihen turizmi i kulturës, i aventurës dhe ai i eventeve”, thotë Xhamani.

Sipas Organizatës Botërore të Turizmit, rritja dhe orientimi sipas nevojave të investimeve, kryesisht në rritjen e kapaciteteve akomoduese, mund ta shndërrojë brenda pak vitesh në një destinacion gjithëvjetor.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern