Një postim i bukur Instagrami nuk ka vetëm një paraqitje të arrirë. Zakonisht ka dhe një melodi ose këngë që shkon me atë që është në ekran. Nëse nuk jeni të sigurt si të shtoni muzikë në story-in e Instagramit – ne do t’iu tregojmë disa mënyra sesi ta bëni këtë gjë.
Shtimi i muzikës në story-n e Instagramit
Mënyra më e drejtpërdrejtë për të vënë muzikë në story-in e Instagramit është në aplikacionin e Instagramit.Për fat të mirë Instagrami e bën këtë gjë në mënyrë të drejtëpërdrejtë (duke menduar që ju dini tashmë të bëni një story në Instagram).
Për të shtuar muzikë në story-n e Instagramit në app-in e Instagramit:
- Hapni Instagramin.
- Më pas shtypni ikonën e story-t.Ndodhet në krye të ekranit në të majtë.Një formë tjetër është të gjeni një postim që doni ta shpërndani , klikoni në miniaplikacionin e aeroplanit dhe shtypni “Add post to your story.”
- Nëse klikoni në story-n tuaj , më pas klikoni mbi kamerën , që gjendet në krye në cepin e majtë . Ose zgjidhni një foto ose video nga galeria juaj.
- Pavarësisht , shikoni ikonat në krye të ekranit të Instagramit dhe gjeni butonin e sticker-ave.
- Më pas shtypni sticker-in e muzikës.
- Zgjidhni një këngë nga libraria e këngëve të instagramit “For You Instagram music library.”Ju mund të zgjidhni dhe një këngë specifike duke përdorur opsionin Browser , që e bën shumë të lehtë të gjenin këngën perfekte për ju dhe mbi të gjitha janë të aprovuara nga Instagrami.
- Pasi e keni zgjedhur këngën , ju mund të zgjidhni të shfaqni titullin e këngës ose titullin e këngës me pamjen e albumit.Ju mund të zgjidhni vendin se ku do të shafqet muzika dhe se nga ku doni që kënga juaj të fillojë.
- Tani ju ngelet vetëm ta ndani në miqtë e ngushtë ose me të gjithë ndjekësit tuaj duke shtypur “Your Story”.
Kjo është një mënyrë e lehtë pëe të vendosur muzikë në profilet tuaja në rrjetet sociale në paisjet Android ose IOS. Ju madje mund të sillni këngë të reja për tu vendosur në postime të vjetra ose të zgjidhni se cila pjesë e këngës do të luhet nëpërmjet ikonës se muzikës.
Pse Instagrami nuk më lejon të vendos muzikë në Story-in tim?
Siç e patë më sipër , të vendosësh muzikë në Story-in në Instagram kërkon që ju të përdorni sticker-in e muzikës.Mund të ndodhë që ju të mos e shikoni këtë sticker kur e hapni Instagramin për ndonjë nga këto 3 aryse:
juve mund t’iu duhet të përditësoni aplikacionin, opsioni I muzikës nuk është I disponueshëm në shtetin tuaj ose po përpiqeni ta ndani si pjesë e një fushate me përmbajtje të një marke.
Sipas rregullave dhe rregulloreve të Instagramit për reklamat, disa veçori, përfshijnë muzikën, mund të përfshihen në reklamat e brandeve.
Shtimi I muzikës në Story-n e instagramit nëpërmjet Spotify
Ju mund të shtoni muzikë në postimet e instagramit edhe duke përdorur aplikacione të tjera.Një nga më të përdorshmit është Spotify , por duhet të dini që për këtë shërbim duhet të keni një llogari Premium në Spotify , që kushton $9.99 për individ. Kjo është e vetmja mënyrë për të integruar këngë të reja nga Spotify në postimet e instagramit.
Nëse e keni Premium ndiqni këto hapa të thjeshta:
- Hapni aplikacionin e Spotify.
- Klikoni këngën që doni të shtoni.
- Klikoni në elipsën ose 3 pikat në cepin në të djathtë në krye të ekranit.
- Lëvizni poshtë listës deri sa të shikoni “Share” në menu dhe shtypeni.
- Më pas klikoni Instagram Stories.
Pasi ta keni bërë këtë gjë , Spotify do të hapë aplikacionin e Instagramit dhe do ta përditësojë Storyn tuaj të fundit me muzikën e zgjedhur. Edhe më mirë, Spotify do të shtojë kopertinën ose artin e albumit për këngën ose pjesët.
Vini re se kënga nuk luhet direkt në Instagram; në vend të kësaj, aplikacioni krijon një lidhje në këndin e sipërm majtas për Play në Spotify. Çdo ndjekës duhet të klikojë në foto për të hapur Spotify në telefonat e tyre dhe për të shijuar audion.
Shtimi I muzikës në Story-n e instagramit nëpërmjet Apple Music
Apple Music është një tjetër platformë popullore për ndarjen dhe shtimin e muzikës në Instagram Stories. Meqënëse Apple Music ka mbi 90 milionë këngë, ju do të jeni në gjendje të gjeni këngën e përsosur për t’u ndarë në çdo kohë.
Për të ndarë muzikë në Story-n tuaj në Instagram në Apple Music:
- Filloni duke hapur aplikacionin Apple Music.
- Klikoni mbi elipset ose tre pika në këndin e sipërm djathtas.
- Klikoni “Share”.
- Më pas lëvizni poshtë listës së aplikacioneve derisa të gjeni Instagram.
Apple Music më pas do të importojë automatikisht veprën artistike të këngës ose albumit dhe do të përfshijë një link në këndin e sipërm majtas të Story-t tuaj të përzgjedhur në Instagram (duhet të shënohet Play në Apple Music). Çdo ndjekës që klikon në link do të hapë automatikisht Apple Music dhe do të jetë në gjendje të dëgjojë këngën.
Shtimi i muzikës në Story-n tuaj në Instagram në SoundCloud
Ju mund të dëshironi të shtoni muzikë në Story-n tuaj në Instagram duke përdorur SoundCloud: një nga platformat më të njohura për artistë të rinj ose të pazbuluar. Për shembull, ndoshta ju dëshironi të përdorni muzikën tuaj në përmbajtjen tuaj të Instagram Story, por nuk e keni publikuar atë askund si Spotify.
Për fat të mirë, ju mund të përdorni lehtësisht SoundCloud për të shtuar muzikë në Instagram Stories. Thjesht ndiqni këto hapa:
- Hapni aplikacionin tuaj SoundCloud.
- Pastaj zgjidhni këngën që dëshironi të ndani.
- Më pas klikoni në ikonën Share dhe “Share to Instagram Stories”.
Kjo do të hapë automatikisht aplikacionin tuaj në Instagram dhe do të shtojë albumin ose veprën artistike të këngës si imazhin e paracaktuar për Story. Mund të shtoni një ngjitëse me logon e SoundCloud dhe titullin e këngës, e cila mund të jetë e dobishme nëse doni të drejtoni përdoruesit ose ndjekësit në faqen tuaj të profilit SoundCloud.
Shtimi i muzikës në Story-n tuaj në Instagram në Shazam
Shazam është aplikacioni kryesor për identifikimin e muzikës në shfaqje televizive ose në publik që ju nuk mund t’I dalloni plotësisht. Që kur Apple e bleu atë në 2017, ai është bërë vendas për pajisjet moderne iPhone dhe është plotësisht i integruar me Siri. Kështu, ju mund të përdorni Shazam për të identifikuar dhe ndarë një këngë me ndjekësit tuaj në Instagram. Për ta bërë këtë:
- Kërkoni një këngë si zakonisht.
- Më pas klikoni elipsën cepin në të djathtë të aplikacionit të Shazam.
- Më pas klikoni Share dhe Instagram Stories, të cilat do të hapin aplikacionin e Instagramit.
Instagrami do ta importojë këngën ose artin e albumit dhe do të shtojë një link “More on Shazam” në Story-n e Instagramit.Është e shpejtë,efiçente dhe një mënyrë perfekte për të vendosur muzikë ne Storyn tuaj në Instagram.
Si të shtoni tekste muzikore në Story-n tuaj në Instagram?
Ju mund të doni të shtoni tekstet muzikore herë pas here , sidomos nëse këngëtari flet me theks apo gjuhë ndryshe nga ajo që ju apo ndjekësit tuaj flisni.Instagrami ju lejon juve të përshtasni tekstin me ndonjë pjesë të këngës në Storyn e Instagramit.Për më tepër ju mund të vendosni tekste muzikore mbi foto dhe vidio.
Për të shtuar tekste në story-n e instagramit:
- Hapni aplikacionin e instagramit.
- Më pas klikoni në foton tuaj të profilit.Ndodhet në krye, në të majtë në ekran.
- Klikoni sticker-in e muzikës për të shtuar muzikë në Instagram.
- Kërkoni për këngën që doni të shtoni.
- Pasi keni zgjedhur këngën klikoni kopertinën e albumit.
Në këtë pikë ju do të jeni në gjendje të zgjidhni lloje të ndryshme të shkrimit për tekstin.Instagrami po ashtu iu lejon të ndryshoni madhësinë e tyre dhe të zgjidhni se ku do të shfaqen . Ju mund ta bëni këtë gjë vetëm me disa këngë në katalogun e këngëve të Instagramit.
Çfarë tjetër duhet të keni parasysh kur vendosni muzikë në Instagram Story?
Ja ku e keni: disa mënyra të ndryshme për të shtuar muzikë në historinë tuaj në Instagram sa herë që ju pëlqen. Vetëm mbani në mend se aftësia për të shtuar muzikë në postimet tuaja në Instagram nuk është e mjaftueshme. Ju gjithashtu duhet të zgjidhni muzikën e duhur për gjendjen, audiencën dhe përmbajtjen./Entrepreneur
