Qeveria do të japë një bonus tjetër për pensionistët, krahas atij që marrin nga “Pakoja e Madhe”. Lajmin e bën të ditur kryeministri Edi Rama në një postim në facebook. Bonusi i radhës, sipas qeverisë, vjen me qëllim që kjo shtresë e popullsisë të ketë mundësi që ta ketë më të lehtë barrën e inflacionit.
Me marrjen e këstit të parë të taksës së jashtëzakonshme mbi eksportuesit e energjisë në muajin prill, do të programojmë një tjetër bonus për pensionistët, që barra e inflacioni i luftës për ta të vazhdojë të jetë sa më pak e ndjeshme.
“Të gjithë pensionistët po marrin këto ditë sipas premtimit bonusin e Pakos së Madhe dhe urojmë ta kenë sa më të mbarë e me shëndet të plotë, vitin që sapo ka nisur. Me marrjen e këstit të parë të taksës së jashtëzakonshme mbi eksportuesit e energjisë në muajin prill, do të programojmë një tjetër bonus për pensionistët, që barra e inflacioni i luftës për ta të vazhdojë të jetë sa më pak e ndjeshme”, shkruan Rama në facebook.
