Deri në vitin 2100 mund të shkrijnë dy të tretat e akullnajave

Bota e akullt po shkrin më shpejt se sa kishin menduar shkencëtarët. Shkencëtarët mendojnë se në vitin 2100 mund të zhduken dy të tretat e akullnajave.

Për të parashikuar se çfarë do të ndodhë me 215,000 akullnajat që ka në zona të ndryshme të Tokës, ata kanë përdorur simulime kompjuterike. Si bazë për këto simulime u supozuan rritje të ndryshme të temperaturës dhe u përllogarit se sa prej akullnajave do të shkriheshin dhe se si shkrirja e tyre do të rriste nivelet e detit.

Në kushtet aktuale, mendohet se krahasuar me periudhën para-industriale Toka do të arrijë një rritje temperature prej 2.7 gradësh Celsius, që do të thotë se deri në vitin 2100 rreth 32% e masës së akullnajave në Tokë do të zhduket.

David Rounce, studiuesi kryesor i akullnajave dhe profesor inxhinierie në Universitetin Carnegie Mellon, tha se, “Pavarësisht se çfarë, ne do të humbasim shumë nga akullnajat”.

Por ai theksoi se, “gjithsesi ne kemi mundësinë të punojmë për të kufizuar numrin e akullnajave që mund të humbasim”./AP

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern