LIGJET E BIZNESIT
Çmimet e karburanteve do të rriten sërish. Bordi i Transparencës ka publikuar vendimin e fundit, sipas së cilit nafta do të tregtohet me 202 lekë ose 6 lekë më shumë krahasuar me vendimin e fundit; benzina do të shitet me 178 lekë për litër nga 175 lekë që ishte. Edhe çmimi I gazit ka shënuar rritje, duke shkuar 71 lekë për litër.
“Çmimet e caktuara nga Bordi do të hynë në fuqi në datë 14 Dhjetor, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes. Bordi i transparencës që në krijimin e tij i është përmbajtur me përpikëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës”, theksohet në njoftimin për shtyp të Bordit të Transparencës.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
