Kryetari i “Pro export Albania”, Edvin Prençe ishte i ftuar në A2 Business ku mes të tjerash u diskutua dhe për ata që përfitojnë nga rënia e ndjeshme e monedhës europiane.
Sipas Prençes, edhe në këtë situatë ka një palë që fiton dhe një që humb si në luftë, duke shtuar se sektori fason është duke hasur një vështirësi dhe stopim të porosive deri në stabilizimin e tregut.
“Padyshim që nga kjo situatë ka edhe përfitues pasi kjo është si një luftë ku një palë humb dhe një tjetër fiton. Por duke qenë se është një sektor që ka 40% të produkteve ‘Made in Albania’ dhe mendoj që deri në fund të vitit të arrijmë 1 mld euro eksperte. Shteti duhet të kishte një reflektim. Europa po ndjen një ngurtësim të kërkesave që po vijnë drejt vendit tonë dhe kjo është një problematikë përtej kursit të këmbimit. Shpresojmë të ketë një lirim nga marsi. Kontratat janë po ato por ndikohen nga kursi i këmbimit. Ndikim ka pasur dhe stina, por ka humbur vlerë dhe monedha”, u shpreh Prençe.
