Rënia e frikshme e euros, për herë të parë zbret në 113.8 lekë

Euro ka nisur një pikiatë të frikshme, duke shënuar rënie cdo ditë. Sipas kursit zyrtar të Bankës së Shqipërisë, monedha europiane ka zbritur në minimumin historik prej 113.8 lekëve. Vetëm këtë muaj, euro ka humbur plot 3 lekë, ndërsa shkëmbehej më 1 dhjetor me 116.8 lekë.

Dobësimi i fortë i monedhës europiane po ndodh për shkak të ofertës së lartë në treg përballë një kërkese që ka qenë e ulët, si rezultat edhe I ngadalësimit të aktivitetit ekonomik. Efekt në tkurrjen e kërkesës ka dhënë edhe ndërprerja e importeve të energjisë nga KESH, për shkak të përmirësimit të situatës energjetike në vend. Gjatë vitit 2022 kjo kompani vlerësohet të ketë importuar energji për rreth 30 milionë euro në muaj, duke qenë një factor I rëndësishëm në ekuilibrat e tregut.