LIGJET E BIZNESIT
Pak ditë na ndajnë nga festat e fundvitit dhe dilema e momentit është: Festa në shtëpi apo në restorante, bujtina dhe hotele ku njerëzit mblidhen me të njohur e të panjohur në kërcim e valle? Menjëherë pas festave të nëntorit jemi ndeshur edhe në rrjetet sociale me paketat që ofrojnë bizneset për të joshur sa më shumë klientë që të prenotojnë paraprakisht për ditët e festave të dhjetorit.
Për darkën e fundvitit, çmimet e paketave po variojnë mesatarisht nga 50 deri në mbi 100 euro për person, bashkë me fjetjen, dhe kryesisht karta e fortë e bizneseve është menuja e përzgjedhur dhe mbi të gjitha artistët e ftuar, këngëtarët dhe instrumentistët.
Destinacionet më të preferuara në Shqipëri për Krishtlindje dhe natën e Vitit të Ri vijojnë të mbeten Tirana, Durrësi, Korça dhe Pogradeci. Ndërsa nuk mungojnë edhe prenotimet në resortet dimërore në fshatrat turistike me borë në Kosovë, te bashkëkombasit tanë që verën e kalojnë në Shqipëri.
Ndërsa mendojnë se ku do kalojnë pushimet dimërore dhe festat e fundvitit, këtë dhjetor, shqiptarët nuk do të duhet të mendojnë për kufizimet e Covid-19, por do të fokusohen tek alternativat më të favorshme për buxhetin e tyre në këtë kohë krize çmimesh. Edhe nëse festojnë në shtëpi, do të paguajnë rreth 40% më shumë se vitin e kaluar për produktet që do të shtrojnë në tryezën e festave.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
