LIGJET E BIZNESIT
Në skemën e pensioneve, numri i kontribuesve ka rënë, ndërsa është rritur numri i pensionistëve. Arsyeja kryesore mbetet emigrimi masiv, kryesisht i të rinjve, që janë edhe forca e punës ose ata që paguajnë kontribute të sigurimeve shoqërore.
Projeksionet e INSTAT janë për një reduktim të popullsisë në vitet në vijim. Nga rreth 2,7 milionë banorë që është sot, popullsia e Shqipërisë llogaritet të arrijë 2,9 milionë banorë sipas skenarit optimist, të qëndrojë në këtë nivel sipas skenarit normal dhe të zbresë në 2,6 milionë banorë, sipas skenarit pesimist.
Sipas drejtorit të përgjithshëm të Institutit të Sigurimeve Shoqërore, Astrit Hado, “ky është një problem kryesor”.
“Është një thikë që i ngulet sistemit të sigurimeve shoqërore. I bie që të ulet numri i kontribuesve dhe të rriten shpenzimet për pensionet”, tha Hado në “A2 Business” me Aurora Sulçen.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
