LIGJET E BIZNESIT
Çmimet e naftës janë kthyer në rritje të ndjeshme gjatë tregtisë europiane, duke rikuperuar të gjitha humbjet e një dite më parë. Megjithatë, fitimet po kufizohen nga pritshmëritë se Rezerva Federale do të vijojnë me politikën monetare shtrënguese dhe nga infektimet e reja me Covid-19 në Kinë. Nafta Brent e Londrës po tregtohet në rreth 96 dollarë për fuçi, ndërsa nafta Bruto amerikane po tregtohet në rreth 90 dollarë për fuçi.
Në sesionin e kaluar, të dyja kontratat humbën rreth 1.5% të vlerës. Frika për një recesion në SHBA, që është konsumatori më i madh i naftës në botë, u përshkallëzua të enjten pasi presidenti i Rezervës Federale, Jerome Powell deklaroi se është ende shumë herët për të menduar ngadalësimin e hapit të rritjes së interesave. Edhe Banka e Anglisë paralajmëroi se Britania ha hyrë në recesion dhe ekonomia mund të mos regjistrojë rritje edhe për të paktën dy vite.
Të gjitha këto zhvillime përkthehen në një kërkesë më të ulët për naftë. Kërkesa është dëmtuar më tej nga kufizimet e reja kundër Covid-19 në Kinë, që kanë detyruar autoritetet të vendosin në karantinë disa provinca. Në tregun e metaleve të çmuara, ari po tregtohet në rreth 1650 dollarë për onz, ndërsa argjendi po tregtohet në rreth 19.8 dollarë për onz.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
