Shqiptarët me makina të vjetra, gjysma janë deri në 20-vjeçare

Gjysma e automjeteve që qarkullojnë sot në rrugët e Shqipërisë janë të vjetra, me moshë nga 11-20 vjet. Mbi 70% e makinave në përdorim janë me naftë dhe vetëm 17% me benzinë. Pjesa tjetër, përdorin gazin si karburant. Të dhënat janë publikuar nga Instituti I Statistikave, që konstaton se numri i autoveturave deri në fund të 2021 është rritur me 10% kundrejt një viti më parë. Automjetet për transport të veçantë janë rritur me 8% dhe automjetet për përdorim të veçantë me 5.9%, në krahasim me vitin 2020.

Statistikat e detajuara tregojnë se numri i automjeteve me vit prodhimi 2011-2021 është rritur me 32.7%, grupi 2000-2010 është rritur me 11.3% ndërsa grupi i autoveturave me vit prodhim para vitit 2000 ka pësuar rënie me 1.2%. “Në nivel më të detajuar, deri në dhjetor të vitit 2021, autoveturat me moshë 11-20 vite përbëjnë 54.2% të numrit gjithsej të autoveturave me status “aktiv” ose “të çrregjistruara përkohësisht”, thekson INSTAT.

Marka “Mercedez Benz” vijon të jetë më e preferuara nga shqiptarët me 18.2% të totalit të mjeteve në qarkullim, e ndjekur nga “Volksëagen” (17.5%) dhe “Daimler Chrysler” (10.9%).

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern