Paga minimale pritet të rritet sërish dhe deri në fund të mandatit të socialistëve të arrijë në 40 mijë lekë në muaj. Lajmi është bërë i ditur nga kryeministri Edi Rama gjatë një takim me strukturat akomoduese në Gjirokastër. Rama deklaroi se pagat duhet të rriten sa më parë, në mënyrë që të ndalen largimet nga vendi.
“Duhet t’i rrisim edhe më shumë pagat. I kemi rritur sepse ishim me një distanca të madhe nga rajoni, por sërish jemi mbrapa. Edhe juve ju them se është koha për të mos menduar më me logjikën, “hë se mbajnë këta”, është koha për t’i paguar më shumë punonjësit, për t’i pasur këtu, edhe për t’i kthyer këtu, pse jo. Jashtë vërtetë mund të marrin më shumë, por paguajnë më shumë. Por si mund të kthehen në rast se paga nuk është më e lartë. Ne në programin e qeverisë kemi pasur që duhet të arrijnë pagën minimale 400 mijë lekë brenda mandatit, por duhet ta bëjmë më shpejtë. Është e domosdoshme. Duhet të rrisim edhe më shumë pagat e të gjithë punonjësve dhe shërbëtorëve të shtetit, infermierë, mësues e të tjerë”, u shpreh kryeministri.
Rritja e fundit e pagës minimale në 36 mijë lekë, që qeveria e parashikoi si pjesë së paketës së dytë të ndihmës antikrizë, u kundërshtua nga biznesi, me argumentin se ky vendim po merret në një periudhë krize, ku kostot për sipërmarrjen janë rritur ndjeshëm.
