Kriza energjetike/ Bashkimi Europian jep 1 miliard euro për Ballkanin, përfiton edhe Shqipëria

Bashkimi Europian do të japë 1 miliard euro për rajonin e Ballkanit për të përballuar krizën energjetike dhe çmimet e larta të energjisë. Për këtë arsye, Presidentja e Komisionit Europian, Ursula Von Der Leyen do të nisë këtë të mërkurë një tur në Ballkan, për t’i njohur vendet e rajonit me masat mbështetëse të BE-së për krizën energjetike.

Kryekomisionerja pritet të prezantojë planin që shoqërohet nga një fond prej 1 miliard eurosh, që do të shpërndahet në Ballkan për të përballuar çmimet e energjisë.

Vizita pritet të nisë të mërkurën nga Shkupi, për të vijuar të enjten në Prishtinë, ndërsa po atë ditë pritet që kryekomisionerja të vizitojë dhe Tiranën. Ditën e premte vizita vijon në Bosnjë e Mal të Zi, ndërsa mbyllet ditën e shtunë me Serbinë.