LIGJET E BIZNESIT
Llogaritet në rreth 687 milionë euro borxhet që klientët I kanë Operatorit të Shpërndarjes së Energjisë Elektrike. Sipas të dhënave nga Enti Rregullator i Energjisë, kundrejt fundit të vitit të kaluar, ky stok ëhstë rritur me 1.8 për qind. Rritja e borxhit ëhstë shkaktuar kryesisht nga institucionet shtetërore dhe biznesi.
Familjarët nga ana tjetër kanë vijuar të ulin borxhin e tyre të energjisë, pavarësisht se janë mbajtësit e 56 për qind të totalit të tij. Shifrat tregojnë se biznesi kishte një borxh mbi 12 miliardë lekë në fund të gushtit me një rritje prej 5.5 për qind në raport me fundin e vitit 2021.
Institucionet jo buxhetore janë ato që kanë pasur rritjen më të lartë me një total prej 15 për qind në fund në gushtit në raport me fundin e dhjetorit të vitit të shkuar. Institucionet buxhetore kanë rritur detyrimet ndaj OSHEE me 3 për qind kurse familjarët ulën këtë borxh me 4 për qind.
Në totalin e borxhit ku 56 për qind e mbajnë familjarët, pesha e grupeve të tjera është e tillë: Privatët apo biznesi mban mbi 15 për qind të tij, Jo buxhetorët 22.6 për qind dhe buxhetorët në 6.2 për qind. Borxhlinjtë më problematikë të OSHEE-së përfshijnë ndërmarrjet publike, ku një peshë kyçe zënë ato të ujësjellës-kanalizimeve për të cilat nisi një plan shlyerjeje të miratuar nga dy ministri: ajo e Financave dhe Ekonomisë dhe Ministria e Infrastrukturës dhe Energjisë.
